रक्षक नै भक्षक

• मिति २०७१/१०/१८ गते नेपाल स्वास्थ्य सेवा सहकारी संस्था समेत ४ जनाले टेण्डर फारम पाउँ भन्ने संयुक्त दरखास्त निवेदन पत्र ।

 

• नेपाल स्वास्थ्य सेवा सहकारी संस्था समेत ४ (चार) ले संयुक्त रुपमा रु. १३,५०,००,०००/— (अक्षरेपी रु. तेह्र करोड पचास लाख मात्र ) मूल्य कवुल गरी मिति २०७१/१०/१८ (३६ औं दिन) मा बोलपत्र पेश गर्नु भएको ।

 

• बोलपत्र साथ कवुल गरेको अंकको १० (दश) प्रतिशत रकम मिति २०७१/१०/१८ मा जम्मा हुनुपर्नेमा बोलपत्र खरिदकर्ताहरुले मिति २०७१/१०/१९ गतेमा आएर दाखिला गरेको ।

 

• बोलपत्र शर्त ४ अनुसार “आफूले लिलाममा लिन चाहेको सम्पत्तिको विवरण अनिवार्य रुपमा भौचरको पछाडि उल्लेख गनुपर्नेछ” तर मिति २०७१/१०/१९ मा बोलपत्र साथ पेश भौचरहरु (नेपाल स्वास्थ्य सेवा सहकारी संस्थाका तर्फबाट दाखिल भौचर नं ६६४३७, सुमित्रा पराजुली अधिकारीका तर्फबाट दाखिल भौचर नं ६६४३२ र संगीता कुमारी पाठक र गीता पाण्डेयका तर्फबाट दाखिल भौचर नं ६७१३०) मा पछाडि कुन कित्ता जग्गा कबोल गरेको उल्लेख नभएको ।

 

• बोलपत्र शर्त ६ मा “रीतपूर्वक नभरिएको, म्याद नाघि प्राप्त भएको ............. बोलपत्रहरु उपर कारबाही हुनेछैन” उल्लेख छ । तर बोलपत्र शर्त ४ र ६ विपरीत ऋण असुली अधिकृतले उक्त बोलपत्रहरु स्वीकृत गरिएको कार्य कानुन विपरीत र त्रुटिपूर्ण छ ।

 

• मिति २०७१/१०/१९ मा ऋण असुली न्यायाधिकरणबाट बोलपत्र खोल्नका लागि मुचुल्का खडा गरिएको र सोही दिन प्रतिनिधिहरुको रोहवरमा खोलिएको । नेपाल स्वास्थ्य सेवा सहकारी संस्थाका तर्फ़बाट प्रतिनिधि श्री ज्ञानेन्द्र प्रसाद पाण्डे उपस्थित ।  

 

• ऋण असुली अधिकृतले मिति २०७१/१०/२२ को एकल निर्णय (अर्थात् कसैलाई रोहवरमा नराखी) बाट नेपाल स्वास्थ्य सेवा सहकारी संस्था समेत ४(चार) जनाको नाँउ बोलपत्र स्वीकृत गरेको ।

बोलपत्र शर्त ९ मा बोलपत्र खुलेको मितिले १५ दिन भित्र बोलपत्र स्वीकृत भए नभएको जानकारी लिन बोलपत्रदाता स्वयम् न्यायाधिकरण उपस्थित हुनुपर्नेछ।

ऋण असुली अधिकृतबाट सोही मिति २०७१/१०/२२ को च.नं ५३४ को पत्रबाट १५ दिनभित्र रकम दाखिला गर्नकालागि पत्र जारी भएको र सो पत्र मिति २०७१/१०/२३ मा नेपाल स्वास्थ्य सेवा सहकारी संस्था समेतका तर्फबाट विवश दवाडीले बुझेका थिए ।

 

• बोलपत्र शर्त नं ८ मा स्वीकृत भएको जानकारी पाएको मितिले १५ दिनभित्र बाँकी सम्पूर्ण रकम दाखिला गनुपर्ने अन्यथा धरौटी वाफत जम्मा गरेको रकम जफत गरिने भनी उल्लेख भएको तर सो शर्तको पालना भएको छैन । 

 

• ऋण असुली अधिकृतबाट मिति २०७१/१०/२२ को च.नं ५३४ को पत्रबाट १५ दिनभित्र रकम दाखिला गर्नकालागि पत्र जारी भएको र सो पत्र मिति २०७१/१०/२३ मा नेपाल स्वास्थ्य सेवा सहकारी संस्था तर्फबाट विवश दवाडीले बुझेका छ । मिति २०७१/१०/२३ बाट १५ दिन मिति २०७१/११/०८ मा हुन्छ । लिलाम सूचनामा उल्लेख शर्त अनुसार ९० प्रतिशत सम्पूर्ण रकम मिति २०७१/११/०८ भित्र दाखिला गर्नुपर्नेमा म्याद नघाई मिति २०७१/११/१७ , मिति २०७१/११/२० र मिति २०७१/११/२२ मा रकम दाखिला गरेको कार्य लिलाम सूचना बोलपत्रको शर्त विपरीत छ ।

 

• शर्त अनुसार धरौटी वाफत जम्मा गरेको रकम जफत गर्नुसट्टा यसरी म्याद नघाई ९० प्रतिशत रकम दाखिला गर्न दिएको र ऋण असुली अधिकृत अस्मान तामाङ ज्यूले स्वीकार गरेको कार्यले ऋण असुली अधिकृत र खरीदकर्ताको मिलोमतो भएको स्पष्ट छ ।

 

• ऋण असुली अधिकृतले मिति २०७१/१०/२२ को निर्णयबाट नेपाल स्वास्थ्य सेवा सहकारी संस्था समेत जना ४ को नाउँमा बोलपत्र स्विकृत गरी बाँकी रकम १५ दिन भित्र दाखिला गर्न लगाउने व्यहोराको आदेश भएको तर १५ दिन नाघेको धेरै दिनपछि मात्र मिति २०७१/११/१७ मा भौचर नं. ६८२८१ बाट नेपाल स्वास्थ्य सेवा सहकारी संस्था लि.ले रु. ५,००,००,०००/—, मिति २०७१।११।२० मा भौचर नं. ६७२७४ बाट संगिता पाठक र गिता पाण्डेयले रु.१,२४,००,०००/— सोही मितिको भौचर नं.६७२७० बाट ऐ.ऐ. ले रु.२,५०,००,०००/—, मिति २०७१/११/२२ मा भौचर नं. ६७२७६ बाट ऐ.ऐ. ले रु.१,१७,५६,०००/—, मिति २०७१।११।२२ मा भौचर नं.६७२८० बाट सुमित्रा पराजुलीले रु.४,२२,४४,१९९/— रकम दाखिला गरेको समेतका तथ्यहरु हेर्दा लिलामी खारेज हुनुपर्ने प्रष्ट देखिन्छ । 

 

• लिलामी सूचनाको शर्त नं. ४ मा बोलपत्र साथ कवुल गरेको अंकको १० प्रतिशत रकम जम्मा गर्नुपर्ने भनी उल्लेख भएको अवस्थामा बोलपत्र दाताहरुले उक्त १० प्रतिशत रकम मिति २०७१/१०/१९ मा मात्र दाखिला गर्नु भएको र बोलपत्र शर्त नं. ४ र ६ अनुसार आफूले लिलाममा लिन चाहेको सम्पत्तिको विवरण अनिवार्य रुपमा भौचरको पछाडि उल्लेख गनुपर्ने तर नगरिएको बोलपत्र नै अस्वीकृत हुने अवस्था रहेको प्रष्ट हुन्छ । साथै लिलाम सूचनामा उल्लेख शर्त विपरीत १५ दिनको म्याद नघाई पछि गएर मात्र थप ९० प्रतिशत रकम जम्मा गर्नु इत्यादी विभिन्न गैर कानूनी तथा त्रुटिपूर्ण कार्यहरु भए गरेको प्रष्ट हुन्छ ।

 

• लिलाम बिक्रीको सूचना वा बोलपत्रमा उल्लेखित शर्तहरुको कानुन सरहका शर्त हुन् जुन बोलपत्रमा भाग लिने व्यक्ति र बोल कबोल गराउने व्यक्ति अर्थात् ऋण असुली अधिकृतले अनिवार्य रुपमा कानुन सरह नै पालना गर्नुपर्ने हुन्छ । बैंक तथा वित्तिय संस्थाको ऋण असुली नियमावलीको नियमहरु तथा लिलाम बिक्रीको सूचना वा बोलपत्रमा उल्लेखित शर्तहरुको ऋण असुली अधिकृत र खरीदकर्ता (बोलपत्रमा भाग लिने) हरुबाट स्पष्ट रुपमा पालना भएको छैन । लिलाम सम्बन्धी कार्य पूर्ण रुपमा बदर योग्य रहेको प्रष्ट हुन्छ ।